وعد2

نوعدك باش تتوحشنى ماك تعرفني حبي ليك حلو وكيما تقول انتى على قر على نو
تو تتوحش فازاتي وتزعبيناتي وعملاني عليك بالعاني وتقلى راني منك نعاني
تو تتوحش اك الأوقات كي نغضب وانتى تتعصب وترصيلي فلخر نطلب فسماح بالغصب …باش تنسي ساعات وبالك تلهى فى بنات..ومرات تلوج على مغامرات وبطول زمان تولي تلوجلي فيهم امارات ومني صفات يخليوك متندمش على فات

اما وراسك لكلهم اشاعات وانت يا عزيزي ليا للممات

تو تتوحش وقت لا عاد لا سلام ولا كلام وتتعدى الأيام وانت غاطس فالاوهام وفيبالك حبك ليا اجرام وانت شباب وعندك احلام.. عجبتك حالتك عايش فظلام ؟تي مش حرام!
تو تتوحش كي عقاب الليل تتفكرني وتلقاني مخليا فيك شوية من حبي مصروف وبرغم الظروف واك الخوف باش تبقى ديما عليا ملهوف وهذا شيئ معروف ..تو تتوحش كي تشتي الدنيا وتبرد وانت الضيوف علي حياتك تتهود والدنيا تزيد تسرد وتلقاني ليك صوف وتو تشوف

وعد1

باش تستناني نحكيلك على التخلوض لغزالي احلامي

وتستناني نحكيلك تقرير افعالي فى نهاري
تتوحش تكلمي وتلقاني ومن سابع نومتي تفيقني
وتقلي شبيك مهبولة بيا كل منطلبك تهز عليا ولا نهار وخرت ومافطنتش بيا
ونقلك اي مهبولة بيك ومنجمش منفيقش بيك واني حاطا نغمة لنومرويك تفكرني فيك وتغرق فننامتي وتقلي نحلم بيك وكان ترا تلقى الكلمة فيه متخبية وقبل منهز.. نحبك
باش تفقدني وتفقد كلامي
باش تتوحش الضحكة لترسمها انتى على وجهي وقرنة حواجبي لقتلى بمال الدنيا ما تتعوض وعيوني كي تتغمض وكلامي الدبش كي يتروض وقلبي كي يتقبض وتسمعو من بعييد ينبض

باش تتوحش منك نعتاظ
باش تتوحش هبالي وكلامي
باش تتوحش تراني
مفيبلكش عاد انت كي عينيك يحطو عليا وكل شيئ يبان وتظهر بيا جان وقلبك بصعبو لان ،باش تتوحش نهارت حلفت معادش تدوان وحبي ليك باش يتصان والحزن يتهان ومبعضنا الليل يرسم ألوان ويحسسنا بآمان

رغملي فلحب مناش جيران وقدام المشاكل مكناش خشان وفيسع متفارقنا كي فصوص الرمان اما حبنا زاد زيان وحتى الكلام المعفن اتحفن ..
صدقني باش تتوحش كلامي ملهفة ومكلاني لحروف بربثة وقوادتي بروحي فى سهوة باش تتوحش اللهوة وكي نسقسي عليك عند الاصحاب والأهل والأخوة
باش تتوحش فضايحي وحرقاني زربية تيزيري وشلقت انتي وسترت معايا مصيبتي وهربنا من بلاصة جريمتي واوين بعدنا وعلعينين ادارينا وقفنا وعيني فعينك ضحكنا وبايدينا ترابطنا وبالمساطة تراشقنا والرب مرافقنا ولقلوب بعضنا استملكنا

 

nawres.hm

بداية

فلول كنت انت وفي الآخر مزلت انت
منهارت ليريتك طفيتك وحرقتلك شبوبيتك وحظرت على تشوشيطتك كي لقيتني صعيبة ومغير مزيتك خليتك وماسالتش فيك

،نتفكر وقتها ..6سنين لتالي قدام دار والدنيا نار قاعدة عصتحا وانت جاي منغادي ملبطحا

زين متضرك عين

وقد وضحكتك تقول شهد

مشية محسوبة وعروقات البنية بجنبي مصبوبة ،المكبوبة عجبتها وبخزرتك خطفتها .

قعت معانا والشجرة بحذانا ظلها غطانا ،بديت انت تحكي وبافعالك اتحى واتزكي

حكيتلنا علبنية لساومتها ولصاحبك قدمتها ، نهارتها قداش كرهت تخمامك وتفوخيرك باشوم افعالك .. فيبالك عامل أفار وهو في الحقيقة لعب صغار وخنار معندو حتى علاقة بالختار ،مشكلة قيمة فى الأفكار وتقدير حكار
معليناش فيلي ميلزمناش حتى كان الرجولية ساعات نراها مفماش ،غلطة والناس مخلطة ..فيها لتلوج على فلتة وفيها ليغارق في قلتة والي مشتتة لاتفهمها متأثرة ولا تفهمها متنكدة
فاتت أيام توا برغم منطيقكش وتشوحيرة ماواتتكش وديما نرا شعرك طويل اما ميتمشطش و لبنات معتقتكش اوين تمشي بعينيك ترشي  .. نهار بعد نهار تغيرت نظرتي ليك ،ريت حنية فعينيك وطيبة ترسمها تبسيمة

نهار بعد نهار تعلقت بالغنة في لحن حكاويك والدقة في حسبان خطاويك والرعشة في يديك في نهار شتى
الحاصل مش اني حبيتك انت لزيتني ومني حميتني ومناس خبيتني .،انت لزيتني وخليتني نحسبك الكل في الكل والكل انت

 

nawres.hm

قشة

مرت أسابيع الآن وانا لا اطيق الكلام او النظر في وجه مخلوق ،لا أطيق فراق فراشي وقلمي وهاتفي
أسابيع مرت باحساسي البغيض المقيت ،. ولا احد لاحظ ،أنانية مني ان لا أشارك أحد مشاعري
الكل يزعجني ويتعبني حتى مع سباتي الطويل ..كل شئ فيا قد استسلم ،لم أعد أقوى على المقاومة :انا ثائرة منهارة لكني لست فاشلة ولا ضعيفة ومازلت أحيا… مازلت على قيد الحياة ودموعى لا تعني ضعفي ..متيقنة انى بخير ولن احزن واني أعلم اني اكذب

كلام

 نحكي علغيرة لتسبب التكشيرة وذهبان الشيرة والحيرة كي تتجبد السيرة في الليالي الشديدة وتتذكر الغبينة .. و كرهنا؛ حتى تصويرة اهلنا وامالينا لتنسينا قداش شكينا ومنهم بكينا وبعدها قمنا تقوينا ومسحنا الدمعة المرصصة على خدينا لتذكر فينا فلى ناسينا وعامل علينا قايد سفينة وفي اخرتو غرس فينا السكينة وضحك على غرق الوجيعة في جواجينا

نحكى عل عيبة لتوصلك للشيبة وانت في عز الشبيبة وترميك عند الطبيبة لا سند ولا حبيبة هايم وعلى الدنيا صايم وعاكف وبالزمان واقف صارف ماكش عارف ..كهو وليت شارف ؟والا مازال عندك في الدنيا مشارف . ،دايخ وكتاف الصحاب خايخ ، عظهر طايح والزمان رايح وانت لا نهار كنت فيه فارح والعدو عليك شايخ غارق في هناه صفايح

شباش نحكى وشباش نقول والناس ولاو كلغول لاحقيقة لا اسطور

وشنوة فايدة الكلام كي تدوان وعلى صوتك العالى تتهان ؟ تعرش كيفاش تحب حكايتك تتعاش متركزش على كلامات الناس والخفاش الى على أفكارك يبات ليلو كيف الوسواس ينخر في أحلامك للي معاش تتشاف ..عيش ومتضويش ومع القطيع متمشيش 🙂

✌

-موقف-

يوم الطفل العربي ولم نرى من الطفولة سوى الرفات ولم يبقي من العروبة سوى الغزاة
وعن اي طفولة والناس عراة واي عروبة والناس اموات !
يوم الطفل العربي يوم الضياع ؟يوم الخذلان ،يوم الانتهاك
احتفلوا جميعا لاشارككم سرقة حلمي
وابتسامة ثغرى
وبراءة جسدي
يوم الطفل العربي ..كيف لى ان انعم به؟ بدعتكم اكلة خاصة ام تظاهرة آلية هذه المرة؟

تمردي✌

حبيبتي وان سألوك يوما لما انت متمردة !لا تجيبي فلن يفهموا
لا تجتهدي في التفسير فوالله لو اجتمعوا لفهمك ما فهمك أحد سوى انت ..المجد لكى
كوني كما انت متمردة على الواقع اللا واقعى والعالم اللاعالمي والإنسانية اللاإنسانية والمنطق اللامنطقي والوعى اللاواعي للأشياء.وكوني متمردة على الزمن الذي لازمن له

✌

تحية

تحية إجلال للصامت المريب الذي في صمته حكمة وفي كلامه مذلة 
شكر الله صمتكم وادام هيبتكم ذخرا لكم ولذوى الخبث البريئ
تحية الى كل سلبي هارب من نفسه إلى نفسه ومن عالمه إلى خياله ومن واقعه إلى أحضان اللاواقع ،إلى الذين يمقتون نفاق محيطهم ونفاق أفكارهم،لاولائك الذين يسهرون ليلا أمام شاشات هواتفهم الذكية حتى يغلبهم النوم آملين أن لا يناموا وان ناموا فان لا يستيقظوا 
تحية لذوي الإعاقات المجتمعية المنزوية والاذواق الفضائية والآراء المريخية ،لاولائك الذين لا دين لهم سوى ما اختاروه
اولائك الذين لا وطن لهم سوى ما بنوه فلا قانون يحكمهم ولا جزاء على افكارهم
تحية لكم من هنا..من قلب المأزق المجتمعي والنفاق الحضاري والتلوث السمعي والبصري
ادعو لكم من كل قلبي ان تفنوا …موتوا يا أصحاب النفوس الطاهرة التي لم يمسها عهر الواقع
انحدروا إلى آخر ملقاكم ،خوفا عليكم من التدنيس يا آخر معالم الطهر ..انجوا بانفسكم من العفن وخلصوا ارواحكم لعلى الحق بكم فاكون من حلفائكم

مفارقات

معادلة صعبة للغاية ،تجعلني أصاب بهستيرية مرضية .تتخبط فيها داخل رأسى أفكارا؛الجميل فيها شرير فما بالك ابشعها
صعب الخروج للعموم يوميا وسماع كل تلك التخاريف عن مشاكلهم الوضيعة من عدم اقتناء احدث اغلى الهواتف الذكية او عدم قدرتهم على الاحتفال وكأن العالم على هكذا مواضيع او انه لا مشاكل جدية أكثر من انتهاء قلم تحديد الفم او كسر قلم الروج
صعب ان ابقى فمي مغلق امام هاته الترهات